miércoles, 12 de septiembre de 2018

Comeza o curso!!!

Ola a todos e todas: 

Comeza o curso 2018/2019 e entristéceme comunicarvos que a biblioteca estará pechada ata o mes de outubro por mor dunhas reformas que estivemos facendo este verán. 

De tódalas formas o blogue segue estando dispoñible para calquera consuta, dúbida ou recomendación.

Agradezo moito a vosa paciencia e vos prometo que a espera valerá a pena, está quedando moi bonita!!!

Un saúdo, 

A Xoaniña Maruxiña 

martes, 26 de junio de 2018

Escapo da Biblio

Ola a todos e todas!!

Rematamos o curso cunha actividade moi particular dende a nosa biblioteca: unha sesión de escapismo para os nenos e nenas de quinto e sexto de primaria 😊😊

Fixérono xenial e todos conseguiron as pistas definitivas que se agochaban entre os libros, xogos, ordenadores... 

A continuación algunhas fotos da actividade.

Escapismo biblioteca


Un saúdo, 

A Xoaniña Maruxiña 

sábado, 19 de mayo de 2018

Semana das letras galegas

Ola a todos e todas!!

Ao longo desta semana todo o cole traballou sobre o día 17 de maio, o día das letras galegas, que este ano está adicado a María Victoria Moreno

Todos os nenos e nenas pasaron pola biblioteca a facer actividades interactivas, a buscar contos ou libros desta autora, a pescudar información... 

Entre as actividades máis destacadas atópase o obradoiro creativo dos nenos de Educación Infantil que retrataron á homenaxeada, a caricatura que fixeron entre as clases de 3º e 4º de Educación Primaria e a obra teatral de guiñol  adaptando o conto "O cataventos" que fixeron os alumnos e alumnas de 6º e que representaron a todo o cole en diferentes pases. Todas as actividades quedaron moi ben!!!


Caricatura de María Victoria Moreno


Obra adaptada "O cataventos"

Espero que vos gustasen tanto coma a min esas actividades. 

Un saúdo!!

A Xoaniña Maruxiña

miércoles, 16 de mayo de 2018

Visitamos a Biblioteca Xosé Neira Vilas

Ola a todos e todas!!

Para celebrar un dos días máis importantes da nosa comunidade, o día das letras galegas, os nosos alumnos visitaron a Biblioteca Xosé Neira Vilas. Alí puideron  escoitar algúns contos e participar en diversos xogos.
Outro obxectivo era establecer lazos entre a Biblioteca do noso cole e as Bibliotecas Públicas da zona. 



Pasárono moi ben e aprenderon un montón!!

Un saúdo, 

A Xoaniña Maruxiña

martes, 1 de mayo de 2018

Contacontos entre Nós!!

Bos días a todos e todas!!

Hoxe gustaríame contarvos unha nova iniciativa que acontece na nosa biblioteca e xurde dende a aula de 5 anos. 

Dende hai un par de semanas os nenos e nenas de esta clase acuden á Biblioteca e ocupan o recuncho de lecer para ler os seus contos favoritos aos seus compañeiros e amigos. 😄😃😁

Unha iniciativa marabillosa que aos nenos lles encanta e que fomenta a utilización da biblioteca e a lectura!!

Contacontos entre Nós

Un saúdo, 

A Xoaniña Maruxiña


domingo, 29 de abril de 2018

Día do Libro!!

Ola a todos e todas!!

Con motivo de celebración do día do libro, esta semana fixéronse moitísimas actividades no colexio.

Algunhas delas foron propostas para todo o centro, coma o concurso de "guapos lectores" no que os nenos e nenas podían participar presentando unha foto de seu libro favorito. Os resultados foron moi bos e se deron catro premios ás fotos máis bonitas.

Guapos lectores



Tamén se fixo, un ano máis, o xa coñecido mercado de libros, no que os nenos e nenas podían intercambiar cos compañeiros un ou máis libros.

Mercadillo de libros



Ademáis cada clase realizou moitas actividades.

Os nenos e nenas de infantil fixeron marionetas coas que crear as súas propias historias, e o libro os nosos contos favoritos que xa está exposto no atril da porta do cole.

En Educación Primaria fixéronse moitísimas actividades: os nenos máis pequenos fíxeron a árbore dos libros favoritos e un obradoiro de contos clásicos que serviu para decorar o pasillo principal do cole, mentres que os maiores axudaron na elaboración das normas da Biblioteca, na decoración da porta da Biblioteca e xogaron ao Bingo da lectura.

Día del libro otras actividades


Espero que vos gustasen estas actividades!

Un saúdo,

A Xoaniña Maruxiña

miércoles, 25 de abril de 2018

Obradoiro de Banda Deseñada con Anxo Fariña

Ola a todos e todas!!!

Con motivo da celebración da semana do libro, hoxe acudiu ao noso cole Anxo Fariña para facer un obradoiro de debuxo e banda deseñada co alumnado de 4º, 5º e 6º de Educación Primaria. 

Anxo presentou varias das súas obras, entre elas a saga dos Megatoxos, deu varios exemplares para a nosa Biblioteca e ensinou algunhas técnicas e trucos de debuxo que os nosos nenos e nenas aproveitaron e aprenderon dunha forma activa e lúdica. 

Aquí tendes algunhas imaxes da actividade 😄😃 


Obradoiro de Banda Deseñada


Que ben o pasaron!!

Un saúdo,

A Xoaniña Maruxiña

jueves, 19 de abril de 2018

Saída á Biblioteca Pública Municipal Xosé Neira Vilas

Bos días a todos e todas!!

Co fin de establecer lazos entre a Biblioteca do noso cole e as Bibliotecas Públicas da zona, os alumnos de cuarto curso de Educación Primaria visitaron a Biblioteca Xosé Neira Vilas, onde lles explicaron a distribución, os recursos que teñen nesa biblioteca e fixeron con eles moitas actividades e xogos. 

Pasárono xenial  😄😄


Saída 4º Biblioteca


Un saúdo, 

A Xoaniña Maruxiña 😘

lunes, 16 de abril de 2018

Día do autismo e día mundial do libro infantil

Bos días a todos e todas!!

Nestas últimas semanas os nenos e nenas do cole traballaron sobre o día 2 de abril: o día do autismo e o día mundial do libro infantil

Os máis pequenos fixeron moitísimas actividades a favor da igualdad, coma un mural da primavera pictográfico e unha sesión de "rachando barreiras".

En primaria os diferentes cursos fusionaron a celebración destes dous días traducindo e creando un conto pictográfico a través de aplicacións coma o Araword e o Microsoft Word. O resultado foi marabilloso e ademáis crearon material adicional para os nenos autistas do cole. 

Aínda que nos diferentes blogs das clases hai moitísimas fotografías destas celebracións 😊😊, hoxe déixovos unha selección aquí: 

Día del autismo 2018

Espero que vos gusten!!

Un saúdo,


A Xoaniña Maruxiña

jueves, 12 de abril de 2018

Contacontos con Iago López

Ola a todos e todas!!

Hoxe a mañán visitou o noso cole Iago López, un famoso contacontos que obsequiounos cunhas actuacións marabillosas que gustaron moitísimo aos nenos. 







Moitas grazas Iago!! 

Un saúdo, 

A Xoaniña Maruxiña

miércoles, 21 de marzo de 2018

Día Mundial da Poesía

Ola a todos e todas!!

Hoxe celebramos no cole o Día Mundial da Poesía.

Para iso, os máis maiores convertéronse nos guardiáns do patio, de forma que, para entrar e sair os demais compañeiros debían recitar un fragmento de un poema.

Na seguinte ligazón hai un video cos resultados!!


Espero que vos gustase!!

Un saúdo, 


A Xoaniña Maruxiña

domingo, 11 de marzo de 2018

Semana da prensa

Ola a todos e todas!!!

Esta semana celebrouse a semana da prensa, e todo o cole participou dunha forma ou outra para festexala. 

Fixéronse murais, a portada do periódico do cole, traballos co periódico "O Papagaio" e o kiosko do colexio San Fermín, elaborado polas profes e alumn@s de educación infantil






Espero que vos gustasen as fotografías dos traballos realizados!!

Un saúdo, 

A Xoaniña Maruxiña



jueves, 8 de marzo de 2018

Día da Muller Traballadora

Bos días a todo e todas 😄😃😄😄

Hoxe é un día moi especial. Hoxe 8 de marzo celebramos o día da muller traballadora

Dende o cole tódolos cursos traballaron este día na nosa biblioteca de diversas formas: analizando personaxes femininos importantes na historia, falando da importancia da muller na sociedade, buscando información sobre o comezo deste día... 

Ademáis, os nenos e nenas de sexto fixeron un gran mural de fotografías baseadas no famoso cartel "We Can Do It!" e acudiron hoxe cun lazo na cabeza coma homenaxe. As profes do cole tamén se sumaron a esta bonita iniciativa. 



Un saúdo,

A Xoaniña Maruxiña

sábado, 24 de febrero de 2018

Día de Rosalía de Castro

Ola a todos e todas!!

Hoxe é o día adicado á vida de Rosalía de Castro, e dende o cole quixemos facerlle as nosas peculiares homenaxes. Nalgúns cursos fixéronse lecturas dalgúns fragmentos da súa obra, traballos e PPT sobre a súa vida e outro tipos de traballos. 

Algúns exemplos son o cartel tipo retrato pop (Andy Warhol), ou o traballo da canción de Negra Sombra. Aquí algunhas fotos e enlaces para que teñades unha idea do gran traballo dos nosos nenos e nenas. 




Espero que vos gustasen  😊😊!!

Un saúdo dende a nosa biblioteca,

A Xoaniña Maruxiña

viernes, 23 de febrero de 2018

Apadriñamento lector

Ola a todos e todas!!

Dende hai un par de semanas, os nenos e nenas de sexto curso axudan na biblioteca aos de 5 anos na súa iniciación a lectura. É xenial porque están súper concentrados, tanto uns como outros. 


Para rematar os maiores contáronlles un conto... que ben o pasamos!!!

Apadrinamiento lector

Espero que vos gustasen as fotos, 

A Xoaniña Maruxiña

lunes, 12 de febrero de 2018

Entroido no cole!!!

Boas a todos e todas!!!

Neste mes de febreiro as actividades do cole estiveron relacionadas coa celebración do Entroido.🙈😺

O meu amigo o Meco deu instrucións moi disparatadas todos os días da semana: ir en pixama ao cole, disfrazados de vellos, con accesorios na cabeza ou cara... 

E o venres celebrouse unha gran comparsa na que todo o cole desfilou pola rúa xunto con familiares, veciños e música temática do entroido.

Este ano os mestres e mestras do cole e os nenos e nenas visitaron a biblioteca en busca de ideas para os disfraces das comparsas deste ano, e finalmente decidiron traballar con diferentes contos nas clases, e elaborar cos alumnos e alumnas os disfraces nas clases.

Os cursos de Educación Infantil foron disfrazados de: Alicia no país das marabillas. 

Os primeiros tres cursos de primaria decidiron escoller: Os tres porquiños.

E os máis maiores, de 4º a 6º de Educación Primaria, foron caracterizados de: O mago de Oz. 


 O fin de festa foi unha merendola na que non faltaron doces típicos coma as filloas e as orellas.  

Aquí tendes algunhas fotos relacionadas coas actividades.


Entroido Biblioteca


Espero que vos gusten!!!

Un saúdo, 

A Xoaniña Maruxiña    

martes, 30 de enero de 2018

Día da Paz

Boas a todos e todas!!!

Hoxe celebrouse no cole o día da paz e a non violencia. Como non podía ser doutra manera fixéronse múltiples actividades dende a biblioteca. Aquí hai algunhas fotos delas. Espero que vos gusten!!


Paz Biblioteca


Un saúdo, 

A Xoaniña Maruxiña