sábado, 13 de abril de 2019

Na pescuda dos ovos de pascua!! 🐰🐰

Boas a todos e todas!!!

Para celebrar o último día antes das vacacións e da Pascua, os nenos e nenas de 1º e 2º de Primaria participaron nunha actividade moi divertida. 

Nela tiñan que percorrer diferentes sitios do colexio ata completar tódalas pistas e conseguir o seu preciado tesouro: os ovos de pascua!! 🐰🐰

Na nosa biblioteca tamén tiveron parada para resolver un problema matemático coa táboa de sumar e restar, e cos escornabots. 

Pasárono xenial!!

A continuación algunhas fotos do xogo:

Pascua 1º y 2º

Espero que vos gustasen.

Un saúdo, 

A Xoaniña Maruxiña

miércoles, 10 de abril de 2019

Escornabots na biblioteca 👾👾

Ola a todos e todas!!

Hoxe na nosa biblioteca os nenos e nenas de 1º curso de Educación Primaria estrearon un novo recurso: os escornabots!

O pasaron xenial traballando a numeración, sumas e restas na táboa no rincón de lecer.  😊😊

Aquí vos deixo algunhas fotos da visita.

escornabots


Espero que vos gustasen.

Un saúdo,

A Xoaniña Maruxiña

domingo, 7 de abril de 2019

Cuestionario de avaliación

Ola a todos e todas!! 😃😃

Como xa sabedes, a nosa biblioteca está en constante cambio para mellorar as vosas demandas, e dende o equipo da biblioteca queremos saber a vosa opinión para que estas melloras estean á altura. 

Agradecémosvos que contestedes á seguinte enquisa coa maior sinceridade. 



Un afectuoso saúdo, 

A Xoaniña Maruxiña

sábado, 6 de abril de 2019

Día do Autismo e día Mundial do Libro Infanti

Bos días a todos e todas!! 🐞🐞

Nesta última semana os nenos e nenas do cole traballamos sobre o día 2 de abril, no que celebramos o día do autismo e o día mundial do libro infantil

Os máis pequenos fixeron moitísimas actividades a favor da igualdade, e ao igual que moitos cursos de primaria os globos azuis tiveron un papel principal.

En primaria os diferentes cursos fixeron actividades diversas, muráis, cadeas, decoración das ventás do cole... 

Os máis maiores fusionaron as celebracións dos dous días traducindo o conto "José está contento" con diferentes aplicacións informáticas, e acondicionaron os espazos do cole con diferentes pictogramas. O resultado foi marabilloso e ademáis crearon material adicional para os nenos autistas do cole. 

Nos diferentes blogs das clases hai moitísimas fotografías destas celebracións 😊😊, aínda así déixovos unha selección aquí: 

Día del autismo


Espero que vos gusten!!

Un saúdo,


A Xoaniña Maruxiña

sábado, 23 de marzo de 2019

Día da Poesía 👄

Ola nenos e nenas!!

O pasado 21 de marzo celebramos no cole o Día Mundial da Poesía. 

Para iso a biblioteca foi centro e fonte de moitas actividades que os nenos e nenas de Educación Infantil e Primaria desfrutaron. 

Dende muráis con poemas, pescuda de libros de poesía na biblio e investigación de diferentes autores, ata obradoiros de poesía que proximamente gravaremos na Radio Escolar, todos os alumnos e alumnas do cole comunicáronse con esta forma de expresión. 

A continuación algunhas imaxes das actividades.


Día de la poesía 19

Espero que vos gustasen tanto coma a min!!

Un saúdo, 

A Xoaniña Maruxiña 

viernes, 22 de marzo de 2019

Contacontos

Ola a todos e todas!!  😁

Hoxe acudiu ao noso cole Benxamín, proposto pola biblioteca para a realización dun contacontos aos máis cativos da escola. 

A continuación algunhas fotos  da actuación. Que ben o pasaron!!


Contacontos Benxamín 

Un saúdo, 

A Xoaniña Maruxiña 

viernes, 15 de marzo de 2019

Día da Muller Traballadora e Semana da Prensa

Boas lectores e lectoras!!!  😊😊

Esta semana celebramos no cole San Fermín o día da Muler traballadora e a Semana da Prensa

Para iso tódolos nenos e nenas do cole fixeron moitísimas actividades: muráis, traballos de pescuda e investigación, proxectos... E para iso todos pasaron pola nosa Biblioteca e a utilizaron como fonte de recursos. 

Ademáis os mestres e mestras aproveitaron estas dúas festividades para combinar ambas efemérides e traballalas xuntas. 

Os máis peques traballaron pequenos proxectos a través de contos e libros da biblioteca, e fixeron uns divertidos muráis, mentres que os últimos cursos de primaria estrearon a Radio Escolar para facer uns programas baseados na vida de mulleres famosas da historia. 





Aquí tendes algunhas fotos dos resultados: 

Día de la mujer 19


Espero que vos gustasen! 

A Xoaniña Maruxiña