NADAL

Ola a todos e todas!!

No colexio San Fermín, non podíamos deixar de festexar estas datas tan especiais... O Nadal! 

O espírito do Nadal estivo presente nas aulas e no noso centro. @s nen@s e as súas familias engalanaron o centro cas súas estrelas... Auténtic@s artistas!

Nas aulas non se parou de traballar: manualidades, panxoliñas, traballos.... todo relacionado con esta época do ano.

Tamén visitaron a biblioteca para ver algunha película.

Os nenos e nenas de segundo de primaria cantaron unha panxoliña.

Recibimos a visita do rei mago Gaspar.

DÍA CONTRA A VIOLENCIA DE XÉNERO

Ola rapaces e rapazas!!

Celebramos no cole o Día contra a violencia de xénero  💜 💜, e para iso os nenos e nenas do cole San Fermín fixeron moitas actividades.

Visitaron a nosa biblioteca para traballar con diferentes contos e vídeos, engalanaron as ventás con lazos morados,etc...

3 anos

4 anos

5 anos

Primeiro e Segundo

Terceiro e cuarto

Os nenos e nenas de terceriro fixeron un vídeo para berrar ben forte  a todas as mulleres que non están soas.

Espero que vos gusten as fotos, vémonos na biblio.

Unha aperta,

A Xoaniña Maruxiña 

Mochilas viaxeiras

Ola familias!! Estou contentísima de anunciarvos que xa están a vosa disposición as mochilas viaxeiras!! Explícovos de que se trata...

No interior das mochilas atópase un libro de narrativa para @s máis pequen@s (pode ser un conto, unha novela…), un de consulta (sobre animais, cociña, manualidades, poesía…), outro para pais e nais e por último, un xogo de mesa.

Como podedes  ver, as mochilas son para que as utilicedes todos xuntos en familia, cativ@s e maiores.

Soamente tedes que cumprir cunhas pequenas e sinxelas normas para que todos  e todas poidamos divertirnos ao longo do curso con este material:

Pódense levar durante catro días (de xoves a luns). Fixádevos ben cando a tedes que devolver porque seguro que hai outra familia impaciente por desfrutar dela.

Deixade todo o material no interior das mochilas tal e como estaba ao inicio.

Prestade especial atención aos xogos de mesa xa que hai moito material que se pode perder como cartas, fichas, dados, etc.

En caso de deteriorar algún libro ou xogo, avisade ao devolvelas.

E por último, quérovos pedir un favor: sacádevos fotos coas mochilas: xogando, lendo, realizando unha receita, manualidade... como vos  queirades!

 

Aquí tedes unhas fotos co interior dalgunhas das mochilas.

Espero que vos guste!

 

Unha aperta xigante

 

A Xoaniña Maruxiña 

 

Día Universal dos Dereitos dos Nenos e Nenas

 Ola a todo o mundo!!

Hoxe 20 de novembro é un día moi especial, sobre todo para os máis cativos porque celébrase o Día Universal dos Dereitos dos nen@s 👦👧e no colexio San Fermín, como xa sabedes, gústannos moito estas datas tan especiáis e fixemos diferentes actividades en tódolos cursos para conmemorala.

En Infantil traballaron sobre os dereitos á educación e o xogo.

1º e 2º de Primaria traballaron sobre o dereito á saúde coa axuda da nosa fantástica pizarra dixital e ademáis, fixeron un precioso mural.

En 3º e 4º sobre o dereito á identidade e familia deseñando o seu propio pasaporte.

 

E por último, 5° e 6°  sobre o dereito ao non abandono nin explotación.

Espero que vos gusten as fotos e vémonos pola biblio!

Unha aperta,

A Xoaniña Maruxiña

SAMAÍN 🎃👻🧛

 Ola familias! 😈

Como outro ano máis, ao chegar ao final de outubro, festexamos Samaín no colexio San Fermín.

Pese á situación na que nos atopamos, fixemos diversas actividades na nosa biblioteca coma ler contos terroríficos, facer aterradoras manualidades e ver películas de medo… 🧛‍♀️

Tamén celebramos na nosa escola unha nova edición do concurso de cabazas. Todos/as os participantes levaron un agasallo por participar 🤗

Ademais fixemos moitas manualidades aterradoras nos diferentes cursos 👻

Un terrorífico saúdo dende a biblio do cole,

A Xoaniña Maruxiña.

DÍA DA BIBLIOTECA

Bos días a todos e todas!!!

O día 24 de outubro celebramos no cole San Fermín o día da Biblioteca con moitísimas actividades.

Os nenos e nenas de Educación Infantil visitaron a nosa biblioteca.

Os nenos e nenas de Educación Primaria fixeron tamén diversas actividades: 

* En primeiro , segundo e terceiro fixéronse visitas á biblio para traballar a formación de usuarios (coñecer as normas da biblioteca, os diferentes rincóns...) 

Tamén elaboraron uns minilibros de contos para engalanar o noso colexio e a nosa biblioteca. Quedaron moi bonitos!!!

*Nas clases de cuarto a sexto fixeron unha pescuda do tesouro na que ademáis de divertirse, coñeceron as diferentes seccións da biblioteca.

Este 24 de outubro foi un gran día para o noso cole, e dende ese día a presenza de lectores na biblioteca é moito maior 😃😃😃

Espero que todos sigan visitándome así de a miúdo.

Un saúdo, 

A Xoaniña Maruxiña

APERTURA BIBLIOTECA CURSO 2021/2022! 😊😊😊

Ola nenos e nenas!!

Xa estamos de novo por aquí, no noso cole e por suposto na nosa biblioteca. 

Durante este curso, seguiremos cunhas normas parecidas as que cumplimos tan ben para combater ao Covid-19. 

Para gardar estas medidas de seguridade destacamos:

* Seguiremos sen o recuncho de lecer e aumentamos os postos de lectura e traballo individual para que poidades estar moitos máis nenos e nenas mantendo a distancia de seguridade. 

* É obrigatorio a desinfección de mans antes de entrar na biblioteca.

* Todos os postos desinfectaranse tralo seu uso.

* Seguiremos cun horario fixo semanal, no que teredes mínimo, unha sesión conmigo. 

Pero non todo van ser malas noticias... 😋😋

Os informo que durante este curso, volveremos a poder utilizar a biblioteca durante dous recreos á semana! 

Os martes e os xoves no recreo, o alumnado que desexe e cumprindo un aforo de 5 persoas á vez, poderedes visitarnos para facer emprestitos e devolucións.

Que vos parece??

Estou desexando vervos a todos e todas de novo!!

Un choque de cóbados moi animado. 

A Xoaniña Maruxiña