O NADAL

 

Nadal

Ola a todos e todas!!

No colexio San Fermín, non podíamos deixar de festexar estas datas tan especiais... o Nadal! 

A celebración non puido ser coma otros anos, pero o espírito do Nadal estivo presente nas aulas. O importante é manter a ledicia de tódolos nenos e nenas. Por iso no colexio non se parou de traballar: manualidades,panxoliñas,traballos.... todo relacionado con esta época do ano.

Os nenos de tres anos fixeron un intercambio navideño cos nenos do colexio Monte San Juan de Tudela (Navarra).

Os alumnos de primeiro e segundo gravaron na radio un audioconto, "O máxico Nadal de Roque e Cíes en Vigo". 

Na clase de segundo este ano cambiamos as cartas a PapaNoel por cartas á familia.

Moitas veces esquecémonos de que os nenos prefiren o noso tempo e cariño que agasallos.

Os nenos e nenas de terceiro agasalláronnos cunha divertida canción de Nadal, "Volver a casa por Nadal"

Ademais nas clases de terceiro e cuarto houbo un intercambio de adornos de Nadal, menudos artistas estan feitos!!!😍

En sexto recordáronnos como celebramos o Nadal en anos anteriores, e prepararon unha fermosa panxoliña coa letra adaptada. 

Este ano  non fixemos o concurso de postais, animamos as familias a participar nas nosas  árbores familiares. Grazas a todos por participar.

Podedes atopar máis fotos e detalles de tódalas actividades feitas nestes días, nos blogs das aulas.

Todo o alumnado do colexio plasmou os seus desexos para o novo ano na nosa árbore dos desexos. Quedou precioso!!!

De parte de todo o cole San Fermín, e da miña parte, a Xoaniña Maruxiña... Bo Nadal!! 😊😊

Agardando o Nadal.... Con calma!!

Ola nenos e nenas:

Hoxe traiovos unha bonita iniciativa do Equipo de Normalización da Lingua Galega do noso cole: un calendario de adviento para agardar o Nadal con mooooita calma!!

Sei que nas clases estades traballando con el, eu vos animo a facelo tamén na casa!! A relaxarse!!

Un saúdo, 

A Xoaniña Maruxiña 

Mes da ciencia 💚😊

Boas cativos e cativas:

Non, este ano non nos esquecimos do mes da ciencia, pero para compartir con vós tódalas experiencias que vivimos na biblio, na clase e na casa, abrimos unha nova pestana do blog para que as poidades consultar sempre que queirades. Este é o enlace: 

Compartimos experiencias

Espero que vos gusten, hai un montón delas !!

Un saúdo, 

A Xoaniña Maruxiña 

Día contra a Violencia de Xénero 💜

 Ola rapaces e rapazas!!

Ao longo da pasada semana celebramos no cole o Día contra a violencia de xénero  💜 💜, e para iso os nenos e nenas do cole San Fermín fixeron moitas actividades diferentes 

Visitaron a nosa biblioteca para lecturas relacionadas con esta data tan importante. Libros coma Arturo e Clementina, Brancaneves e os 77 ananiños, ou o vídeo conto de ¿Hay algo más aburrido que ser una princesa rosa? triunfaron nestas datas.

Como resultado do traballo contamos con diferentes murais e manualidades, a continuación deixámosvos algunhas delas. 

Ademais, co motivo da celebración deste día, o colexio animouse a participar nunha andaina solidaria Contra a Violencia de Xénero.

Aquí tedes o vídeo co resultado das nosas andainas, grazas a todos pola vosa participación.

Encantoume o seu traballo, e a vós?

Unha fortísima aperta dende a biblio do cole, 

A Xoaniña Maruxiña

Día Universal dos Dereitos dos Nenos e Nenas

Ola a todo o mundo!!

Hoxe 20 de novembro é un día moi especial, sobre todo para os máis cativos porque celébrase o Día Universal dos Dereitos dos nen@s 👦👧e no colexio San Fermín, como xa sabedes, gústannos moito estas datas tan especiáis e fixemos diferentes actividades en tódolos cursos para conmemorala.

En Infantil fixeron un mural moi fermoso sobre os Dereitos dos Nen@s.

En Primaria, moitos cursos aproveitaron a nosa querida biblioteca para facer murais, debuxos, xogos, escoitar cancións e visualizar vídeos sobre esta temática. 

Por aquí vos deixo unhas fotiños e algún dos vídeos que se veron nesta data tan importante para tod@s el@s.

Espero que vos gusten as fotos e vémonos pola biblio!

Unha aperta,

A Xoaniña Maruxiña

O noso Samaín

Ola  familias 💀💀👻!!

Xa chegou o final de outubro, e nesta data tan sinalada, a pesar da situación na que nos atopamos, a nosa biblioteca, segue presente e en funcionamento, e case tódolos mestres do cole fixéronme unha visita para levar contos que empregaron na súa clase para festexar Samaín.

Éstes foron algúns dos libros empregados:

 

 

Ao igual que outros anos houbo concurso de cabazas, aínda que este ano os participantes enviáronnos unha fotografía para poder adaptar á nova situación o xa tradicional concurso. 

 

Por iso a exposición esta vez foi dun gran mural coas fotografías das cabazas tan bonitas que fixeron as nosas familias na súa casa.

Nas aulas tamén se fixeron actividades para festexar este día.

 

En Educación Infantil, os nenos e nenas fixoren estas momias e estos morcegos terroríficos.

 

 

 

 

Ademáis os nenos e nenas de Educación Primaria crearon diversas manualidades con esta temática. Aquí tendes algunhas fotos.

 

 

Un saúdo dende a biblio do cole!

A Xoaniña Maruxiña

Día da biblioteca 📙📘

 Ola nenos e nenas!!

O día 24 de outubro celébrase o día da Biblioteca, e ao longo desta semana os e as estudantes do cole viñeron a visitarme para facer diversas actividades.

Os nenos e nenas de Educación Infantil aprenderon sobre qué é unha biblioteca, e aproveitando a cercanía do Samaín elaboraron uns marcapáxinas terroríficos... que medo!!

Os nenos e nenas de Educación Primaria visitaron a biblioteca para facer diversas formacións de usuarios (coñecer as novas normas, recunchos, clasificación dos libros...). 

Ademais os rapaces e rapazas de cuarto curso de primaria xogaron en equipo a "First Dates" unha pescuda do tesouro moi especial na que tiñan que atopar diversas citas nos libros seleccionados. 

O día 24 de outubro é un día moi epecial para o noso cole, e a min encántame que os nenos e nenas veñan a visitarme.

Espero vervos a todos e todas moi pronto.

Unha aperta virtual,

A Xoaniña Maruxiña