Recreos temáticos semana 2 🐞

Boas nenos e nenas !!

Esta foi a segunda semana de Recreos Temáticos na nosa biblioteca!!

Luns 9 de marzo: os nenos e nenas de 1º e 2º xogamos coa imaxinación.

Martes 10 de marzo: obradoiro de robótica para os máis pequenos. Educación Infantil xoga co noso amigo Doc.

Mércores 11 de marzo: obradoiro de filmografía cun Kahoot! e pescuda de información para 5º.

Debido a crise do Coronavirus esta semana non puidemos facer máis recreos temáticos, e por suposto canceláronse os das seguintes semanas. 
Esperamos volver moi pronto e proseguir con todo o que tiñamos programado!!

Un saúdo, 

A Xoaniña Maruxiña 🐞

Recreos temáticos semana 1 🐞

Ola a todos e todas !!

Comeza o mes de marzo e volven  os recreos temáticos a nosa biblioteca!!

Cada recreo deste mes os mestres e mestras ofertarán diversas actividades para realizar en grupos reducidos.

Esta semana comezamos con catro actividades moi divertidas!!

Martes 3 de marzo: contacontos en inglés para 1º e 2º no que descubriron a sección de idiomas da nosa biblio e foron ata a lúa con Cat and Mouse.

Mércores 4 de marzo: obradoiro de xogos imaxinativos. No que os nenos de 5º e 6º de primaria  puxeron a proba a súa creatividade co Dixit.

Xoves 5 de marzo: obradoiro musical con contacontos de Mozart para os nenos de Educación Infantil. Coa mestra de música os nenos aprenderon sobre a vida deste compositor e fixeron unha audición das súas obras máis coñecidas.

Venres 6 de marzo: xogos de intelecto para 3º e 4º de primaria. Cun traballo por estacións os nenos e nenas usaron todo o seu inxenio para xogar co "Virus", o "Sushi Go" e "Pajarracos".

Estou desexando ver o que os mestres teñen preparado para a próxima semana!

Unha forte aperta, 

A Xoaniña Maruxiña 🐞

Día de Rosalía de Castro 😃

Ola pequenos e pequenas!! 😄😃

Hoxe celebramos no cole o Día de Rosalía de Castro. Para iso moitas das clases visitaron a biblioteca e traballaron con diferentes seccións do recuncho da información.

Traballaron con biografías, libros da autora, e diversas adaptacións da sección de poesía e música. 

Ademais recabaron moita información para utilizala posteriormente na semana da prensa, traballaron un montón!!

Estes son algúns dos libros que usaron:

Anímovos a que os levedes empresatados!!

Pasárono moi ben!!

Un saúdo, 

A Xoaniña Maruxiña

O Entroido

Ola rapaces e rapazas!! 😃😃

Como xa sabedes, semana celebrouse no noso cole o Entroido e o eixe central da gran comparsa deste venres estivo moi relacionada coa nosa biblio... Tendo como referencia o noso Espazo Fedelleiro a temática foi  foi OS XOGOS DE MESA. 

Todos os mestres e mestras acudiron coa súa clase a nosa biblioteca para escoller xogo, xogar e documentarse sobre coma facer o disfrace, e os resultados foron espectaculares!!!

Coma todos os anos a biblioteca foi núcleo de todas as elaboracións. 

Estas son algunhas fotos da gran comparsa:

Un saúdo dende a nosa biblioteca!

A Xoaniña Maruxiña

Día da Paz e a Non Violencia 🕊️

Boas rapazada!!

Hoxe celebramos no cole o día da Paz e a Non Violencia 🕊️. Para iso tódolos nenos do cole fixeron moitas actividades, pero este ano todo o cole participou no "Tren da paz" e nas "Mensaxes para a paz", dúas actividades de convivencia que decorarán os nosos corredores ata o fin de curso escolar.

Aquí algunhas fotos das elaboracións e o resultado final:

Non esquezades ver as recomendacións e vir pola biblioteca a desfrutar desas lecturas!!💗💗

Unha forte aperta,

A Xoaniña Maruxiña

Intercambio Postal

Bos días chicos e chicas!!

Esta entrada de blog quero dedicarlla ao alumnado de terceiro de primaria, que está participando nun Intercambio Postal con outro centro da comunidade autónoma de Cantabria!!

Gústame moitísimo esta actividade, porque ademáis de traballar a escritura facemos novos amigos!!

Vos deixo aquí algunhas fotos da elaboración das cartas e da recepción da primeira correspondencia:

Que ganiñas de continuar con esta bonita iniciativa!!

Un saúdo dende a biblioteca, 

A Xoaniña Maruxiña

Postais de Nadal

Ola a todos e todas: 

Hoxe gustaríame facer referencia ao traballo dos pequenos e pequenas de primeiro e segundo curso de Educación Primaria, que para festexar estas festas quixeron enviar aos seus compañeiros e compañeiras correspondencia de Nadal cunhas postais realizadas por eles !!!

As profes pedíronlles as familias que sacasen fotos da recepción das postais na súa casa para a volta poder facer este fermoso libro de recordos, que está exposto na biblioteca para pais do noso cole!

Saudiños dende a biblioteca,

A Xoaniña Maruxiña